Plantun de Prouvènço

Pèr coumpara dos planto d'encò nostre

Euphorbia spinosa & Erica arborea

Euphorbia spinosa

Euphorbiaceae

Nom en français : Euphorbe épineuse.

Descripcioun :
Lou relachié (J.-L. Domenge, op.cit. p. 59) es uno planto lignouso que fai de mato en boulo, d'ounte parton de pichòtis espino, sus li pendis roucaious di colo. Li fueio an pas ges de péu e soun longo de 1 cm. Se recounèis peréu à si boursoun berrugous, alor que li grano soun lisco.

Usanço :
Li fedo l'esbrouton d'aise.

Port : Pichoto planto lignouso
Taio : 10 à 25 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Euphorbia
Famiho : Euphorbiaceae

Ordre : Malpighiales

Coulour de la flour : Jauno
Petalo : ges
Ø (o loungour) flour : 3 mm
Flourido : Printèms

Sòu : Ca
Autour basso e auto : 0 à 1700 m
Aparado : Noun

Liò : Roucaio - Tepiero seco - Paret
Estànci : Termoumediterran à Mountagnard
Couroulougi : Eurimediterranenco-Nord
Ref. sc. : Euphorbia spinosa L., 1753

Brusc-mascle

Erica arborea

Ericaceae

Autre noum : Brugas-mascle.

Noms en français : Bruyère arborescente, Bruyère blanche.

Descripcioun :
Lou brusc-mascle trachis dins li terraire safrous, adounc majamen en Prouvènço séusouso. Aqui flouris d'ouro, tre lou mes de mars, e douno de poulìdi brout de flour blanco. Se destrìo dóu brusc-femèu que si ramo soun peludo e de si flour blanco sort l'estile pulèu long (subretout à la fin de la flourido).

Usanço :
Lou rizoumo, rouge e de mai d'un kg, douno un bos de qualita pèr la chaminèio e peréu pèr adouba de pipo. Li flour, proun sucrado, podon èstre manjado o boutado dins l'aigo pèr n'en faire de tisano astringènto. Lis estùdi d'aro mostron d'interessanto prouprieta anti-enflamativo e anti-óussidanto.

Port : Aubret
Taio : 1 à 4 m
Fueio : verticilado
Tipe bioulougico : Faneroufite
Cicle bioulougico : Planto renadivo

Gènre : Erica
Famiho : Ericaceae

Ordre : Ericales

Coulour de la flour : Verdo
Petalo : 4
Ø (o loungour) flour : 1,5 à 2 mm
Flourido : Printèms

Sòu : Si
Autour basso e auto : Pancaro entresigna
Aparado : Noun
Mars à abriéu

Liò : Terraire safrous - Champino - Garrigo
Estànci : Termoumediterran à Coulinen
Couroulougi : Mediterrano-Atlantico
Ref. sc. : Erica arborea L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Euphorbia spinosa & Erica arborea

ges

Coumpara Relachié emé uno autro planto

Coumpara Brusc-mascle emé uno autro planto